NABIGLA si Cecilia nang makita si Bogart na pumasok sa loob ng ward ni Lacey. Kasunod niyon ang kaba na baka may kaugnayan ang ipinunta nito sa naganap ng nagdaang gabi.
“Cecilia!” Tila ito nakakita ng anghel nang makita siya.
“Bogart?”
“Pwede ba kitang makausap sa hallway?” anito.
Halatang importante ang sasabihin nito kaya pumayag siya. Naglalaro ang kanyang anak ng stuff toy na bigay ng nurse kaya sa palagay niya ay ayos lang ito.
“Basta saglit lang. Kailangan ako ng anak ko.”
“Oo! Saglit lang. Kahit three minutes lang ay ayos na ‘yon!”
Sumunod siya rito sa tapat ng pintuan, sapat lang na nasisilayan niya pa si Lacey. Tumikhim siya. “Pasensiya na kagabi. Natakot ako sa boss mo kaya umalis ako sa club.”
Para itong maiiyak sa kanyang eksplanasyon, pero hindi na dinagdag
