Chapter 28
Nang sumapit ang alas-kuwatro y media ay nakauwi na ako sa bahay namin. Sabay kaming umuwi ni Myrtil ngunit mas nauna lang talaga ako sa kaniya na bumaba sa jeep. Ilang kilometro pa kasi ang layo niya mula sa kanto ng bahay namin.
Nagbihis muna ako sa kuwarto at saglit na nagpahinga. Pagkatapos kong magpahinga ay naligo ako at nagbihis ng itim na sando at isang pjama. Nang makapagbihis na ay nagpasya na akong bumaba para kumain ng hapunan.
Naabutan ko na nasa dining area si Mommy at mag-isang kumakain. Wala na sa paligid sina Ate Serafin kaya malamang ay umuwi na sila sa kani-kanilang tahanan. Napatingin ako sa pader na nasa harapan ko at nakita ko ang wall clock na nakasabit doon. Alas-otso na pala ng gabi.
“Kumain ka na, Decyrie. Ano pa ang itinutunganga mo riyan?” sita sa
