Hindi ko inaasahan ang mga nangyari. Parang ang bilis, pero ang sigurado ako, hindi pulis ang bumaril sa tauhan ni Rocky. Nanggaling ang sniper mula sa kabilang building. Kitang-kita ko ang pulang ilaw sa dibdib ng lalaki – isang laser light, malamang. Ang bilis ng pangyayari, para bang isang pelikula na mabilis ang playback.
“Mahal,” bulong ni Jasmine, kapapasok lang sa loob ng silid ko sa ospital. Naagaw nito ang malalim kong pag-iisip. Hawak-hawak nito ang isang basket ng prutas na laman ang mga ang paborito ko.
“Sino ang naiwan kay Third?” tanong ko, havang ang mga mata nito ay puno ng luha. Naupo sa gilid ng aking kama na kinahihigaan at hinahaplos ang aking kamay.
“Natakot ako na mawala ka ulit, alam mo ba ‘yun? Planado pala ninyo ang lahat, ako lang ang walang alam sa nangyayari.
