KABANATA 34
Yria's POV
Hindi ako makapaniwala sa aking nakikita. Para ko siyang kaharap. Gusto kong matawa. Oo nga pala, kaharap ko nga pala siya dahil nasa salamin siya at nasa harap niya ako.
"Nagulat ka ba?" tanong nito.
Mahina akong tumawa.
Hindi ako nagulat. Natutuwa lang ako dahil nakita ko siya at nakakausap. Pero bakit siya nagpakita sa akin? Matagal na ba siyang nakasubaybay sa amin?
"Alam ko marami ka katanungan. Hayaan mong sagutin ko iyon," nakangiti nitong turan.
Napakaganda niya. Kahit nasa salamin siya ay para siyang totoo.
"Bakit nagpakita ka sa akin?" tanong ko. Gusto ko malaman kung bakit nasa harap ko siya. Pagbabawalan ba niya ako? Paaalisin ba niya ako?
"Dapat matagal ko na itong ginawa. Pero hanggat hindi ako sigurado para sa nararamdaman mo para sa ka
