JOY
Nag-usap at may kasamang lambingan kami ni Brent habang naghihintay kami sa pag-gising ni Tito Edward. Natigil lang kami nang may kumatok sa pintuan. Maya-maya bumukas ang pintuan at magkasunod na pumasok si Anika, Rachel, Luis, Fernan, at Peter. May dalang tig dalawang paper bag si Fernan at Luis. Tumayo kami ni Brent para salubungin ang aming mga kaibigan. Nagyakapan kaming tatlo ni Anika at ni Rachel. Nag fist bump naman ang mga lalaki. Kinamayan din nila ako. Pagkatapos namin magkamustahan, niyaya na namin sila upang umupo. Dinala muna ni Fernan at Luis ang dala nila sa mesa.
"Brent, Joy Kamusta ang lagay ni Tito Edward? Anong sinabi ng Doktor? Balita siya na aksidente? Alam niyo na ba kung sino ang nag overtake sa kanyang sasakyan." Tanong ni Luis pagkatapos I kwento ni Brent.
