TWENTY-ONE
Dahil sa sobrang pangungulila nila sa isa’t-isa ay hindi na namalayan ni Xiello ang oras, sobrang nalibang siya sa pakikipag-kuwentuhan kay Eillaine at pakikipaglaro sa mga bata kung hindi pa siya tatanungin ni Thad kung anong oras niya gustong umuwi ay hindi pa niya malalamang maghahating-gabi na pala.
“It’s okay, you can sleep here if you want. Bukas ka na lang ng umaga umuwi,” nakangiting turan ni Eillaine.
Tumango siya. “Okay. Tawagan ko lang si Minerva at sabihing hindi ako makakauwi ngayon,” sabi niya at kinuha ang kanyang cellphone sa loob ng kanyang bag.
Napakunot-noo siya nang makita ang napakaraming missed calls at text messages ng mga kaibigan niya sa kanya. Nagtataka niyang idinayal ang numero ni Minerva.
“What happened?” tanong ni Thad na nap
