Chapter 54
Alena
Narito kami ngayon sa shangri-la ni Rico.
Magkaharap sa isang lamesa at mayroong masarap na pagkain sa aming harapan. Siya ang nagbayad sa pagkain na nasa harap namin.
"Baka nabawasan na ang ipon mo. Sana doon na lang tayo sa simpleng restaurant." Ako na ang bumasag sa katahimikan naming dalawa.
Iniisip ko na baka humingi siya sa kaniyang ina para lang maka-afford siya sa ganitong restaurant.
"Ano ang nagawa kong kasalanan sa'yo para iwanan mo ako? Bakit hindi mo man lang sinabi sa akin na sasama ka pala sa tiyuhin mo?"
Bumuntong hininga ako ng malalim sa mga tanong niyang iyon sa akin.
"Dahil alam ko hindi mo ako papayagan. Rico, hindi ko sinasadya na pareho tayong masaktan. Iniwan kita para sa kinabukasan nating dalawa. Masakit rin sa akin ang ginawa ko, su
