“Eeeiii! Best! Kinikilig ako!” napangiwi si Grace nang sagutin niya ang tawag ng kaniyang kaibigang si Kath. Paano namang hindi, kung makatili ang kaibigan niya, akala mo naman ay may kumikiliti rito.
“Kath, huminahon ka nga puwede? Paki-explain kung bakit ka kinikilig?” aniya sa kaibigan, habang ipinagpapatuloy ang kaniyang pag-aayos ng mga gamot sa estante ng kanilang clinic.
Break niya ngayon kaya malaya siyang sagutin ang tawag ng kaibigan. Pero kahit naka-break siya, ipinagpapatuloy pa rin niya ang pag-aayos ng mga gamot para hindi siya matambakan ng gawain. Ayaw na ayaw pa man din niya ang nagkukumahog sa trabaho.
“Nagkita na kami ulit ni Rex! Grabe!” tumitiling saad nito sa kaniya, kaya naman nailayo niya ang kaniyang cellphone sa kaniyang tainga at napangiwi, habang hinihintay n
