Abot-abot ang pagkabog ng dibdib ni Grace habang pinapanood ang huling pagtira ni Rex ng bola. Hindi niya alam kung bakit pero mas kinakabahan pa siya para rito, kumpara sa nararamdaman niya para kay Dino.
‘Come on! Ipasok mo iyang bola!’ sambit niya sa kaniyang sarili habang hinihintay na pumasok ang bola sa ring.
Nang pumasok ang bola sa ring ay impit pa siyang napatili at tila kinilig sa tuwa. Natutop pa niya ang kaniyang bibig at biglang napatingin sa paligid. Mabuti na lang at walang nakaaalam na si Dino ang kasintahan niya maliban kay Gela. Ewan niya pero mas na-excite pa siya sa bawat pagtira ni Rex kaysa kay Dino.
“Sayang naman girl, hindi nanalo ang Werewolf Fantacy!” nanghihinayang na saad ni Gela sa kaniya.
Tumikhim naman siya upang i-compose ang kaniyang sarili, bago niya
