Patakbong sinalubong ni Kreisha ang kapatid niyang si Kameron habang bumababa siya ng hagdanan nang malaman niyang naroon na ito. Araw-araw siyang naghihintay ng balita tungkol sa asawa niya dahil umaasa pa siyang makikita pa niya itong muli.
“Kuya! M-May balita ka na ba sa asawa ko? Nakita na ba siya?” sunod-sunod niyang tanong.
Pinasadahan siya nang tingin nito mula ulo hanggang paa. “Ang sabi ni Trina ay hindi ka raw kumakain. What are you trying to do? Do you want to die? Look at yourself!” Hindi nito tinugon ang tanong niya at halos hindi ito makapaniwala sa nakita tungkol sa kalagayan niya.
Mula noong mga araw na hindi na niya nakita ang asawa niya at naaksidente ito, halos hindi na niya inaalala ang sarili. Hindi na rin niya natingnan ang sarili sa salamin dahil sa sobrang stre
