Ginawa ni Hailee ang lahat ng makakaya. Lahat ng alam niyang pose na makakatulong ay ibinigay niya. Napapansin ni Hailee na hindi pa gumagalaw ang direktor—nagse senyas lamang ito sa kanyang dalawang assistant na camera man. Hindi pa ginagamit ang gitnang kamera, kaya alam niyang hindi pa nila naabot ang huling bahagi ng shoot.
“Okay, good shot, Miss Hailee. Now Take off your sweater at isampay mo lang ng casual sa balikat mo,” utos ng direktor. Pagkatapos nito ay tumayo ito at dumiretso sa gitnang kamera para suriin at iayos ang lente. Mahinahon na sumunod si Hailee sa direktor, kahit na nararamdaman niyang tumitibok nang mabilis ang kanyang puso tuwing naririnig niya ang boses nito ang modulated at malamyos nitong mga salita ay umukit sa puso niya.
Nagsimulang magpose si Hailee, patagi
