Hindi mapakali si Zoe habang nakahiga siya sa kanyang kama. Nagdadalawang isip siya kung sasabihin niya ba kay Roman ang katotohanan.
“Bahala na nga!” Tumayo ito para puntahan ang silid ng kanyang Ama.
Napabuntonghininga siya habang nakatayo sa harap ng pinto ng kanyang Ama. Nagdadalawang isip pa rin siya kung papasok siya sa loob.
“Pumasok ka na, Zoe,” bulong nito sa kanyang sarili. Natatakot pa rin kasi siya na baka hindi pa rin siya paniwalaan ng kanyang Ama. Kaya naman ay pabalik-balik lang siya sa harap ng pintuan ni Roman habang nag-iisip.
Pinikit niya ang kanyang mga mata at taimtim na nagdasal.
“Kayo na po bahala sa ‘kin, Ama,” bulong niya. Akmang kakatok na sana siya ng may marinig siyang tinig sa kanyang likuran kaya natigilan siya.
“Anong gagawin mo?” basag sa kanya n
