Payapang nakatulog si Zoe habang tinititigan ito ng kanyang Ina. “Patawarin mo ako, Anak. Wala man lang ako sa tabi mo noong kailangan mo ako,” mahinang usal niya at hinaplos ng bahagya ang buhok ni Zoe. Pagkatapos ay pikit mata niya itong hinalikan sa noo na may pagmamahal.
Inayos niya rin ang kumot ni Zoe at dahan-dahan na tumayo. Pagkatapos ay dahan-dahan na rin siyang lumabas ng silid ng dalaga. Sinulyapan niya muna ito upang makasiguro na mahimbing na talaga itong natutulog bago tuluyang sinadaro ang pinto.
“Tulog na po ba si Zoe, Tita?” bungad na tanong sa kanya ni Edward nang makalabas na siya ng silid ni Zoe.
Oo, Edward, nakatulog na siya,” sagot rin nito at nginitian ang binata.
“Magpahinga na rin po kayo, Tita. Diyan po sa kabila ang magiging silid niyo malapit sa silid n
