Hindi na pumasok nang eskuwelahan si Aliyah dahil sa kahihiyan na inabot niya at nang kanyang pamilya. Galit na galit rin sa kanya ang kanyang mga magulang dahil siya ang dahilan kung bakit nalaman ng mga awtoridad ang kanilang ilegal na gawain.
Hinahabol sana ni Edward si Zoe para ihatid pauwi pero bigla na lang siyang tinawag ni Violete. Kaya naman ay natigilan siya at hinintay na makalapit sa kanya si Violete.
“May kailangan ka ba?” tanong ni Edward kay Violete. Subalit panay pa rin ang sulyap niya ng tingin sa papaalis na si Zoe.
“Magpapasama sana ako sayo sa Market, eh!” turan naman nito sa binata.
Gusto sanang tumanggi ni Edward pero naalala niya ang nangyari kay Violete kagabi. Kaya naman ay napilitan na lang siyang pumayag para makampante siya. Nag-aalala rin kasi siya na ba
