“Magpahinga na po kayo, Ma’am Zoe. Ako na po ang magliligpit dito sa kusina,” wika sa kanya ng isa sa kanilang katulong na si Melay.
“Tulungan ko na kayo, Ate Melay,” nakangiti niyang usal habang nililigpit ang mga kalat na nasa lamesa.
“Kami na po ang bahala diyan, magpahinga na po kayo. Alam namin na pagod na pagod na rin kayo dahil maghapon kayong naglaba,” wika pa nito.
“Kaya ko pa naman, Ate Melay,” pagpupumilit nito.
Subalit isang tinig ang bigla na lang nagpanginig sa kanila.
“At sinong nagsabi na puwede ng magpahinga si Zoe, ha!” asik nito habang nakataas pa ang kanyang kilay.
Kaya naman ay bigla silang natahimik at hindi nakapagsalita. Napayuko na lang sila habang nakatayo si Aurora sa kanilang harapan at galit na nakatingin sa kanila. Pagkatapos ay binaling niya ang p
