CHAPTER 50
SHION Nakasabit ang kamay ni Summer sa braso ko habang naglalakad kami sa harap ng altar, pero ang isip ko ay parang nasa ibang panig pa ng mundo. Nagsimula nang magsalita si Father ng kung anu-ano, pero lumalabas lang sa kabilang tainga ko ang mga sinasabi niya. Sa tingin ko nga ay hindi man lang ito pumasok sa aking tainga at nagproseso sa utak ko. Alam kong ito ang tamang gawin para sa aming dalawa ni Sheena, pero tama pa rin ba ang isang bagay kung alam mong nasasaktan lang ang damdamin mo sa kakapilit na gawin ang tama? Narinig kong tinanong ako ni Father at puro 'Opo, Father' lang ang naisasagot ko. Nagagawa kong ngumiti ngayon sa harapan nila, pero ito na yata ang pinaka malupit na pagpapanggap na nagawa ko. Nagawa ko kasing ngumiti ng peke sa harapan nila kahit lutang ang isip
- Writer
