Yumuko ito sa hawak nitong papel pagkatapos ay tumingala na tila ba may hinahanap. Muli na naman itong yumuko at nang muling itinaas ang paningin ay kontentong naglakad na ito papunta sa bandang kinaroroonan niya. Hindi na siya nakagpigil pa at tinawag na niya ang pansin nito.
“Excuse me, sir,” pukaw niya sa lalaki na papalagpas na sana. Halatang hindi nito narinig ang kanyang pagtawag, maging ang pagwagayway niya ng kanyang kamay ay hindi rin nito napansin. Mabuti na lamang at napansin ng kanyang katabi na babae ang kanyang ginawa kaya mabilis nitong kinalabit ang lalaking huminto sa likurang bahagi ng kanilang upuan.
“Yes?” nagtatakang tanong ng lalaki na nakatingin sa babaeng kumalabit dito. Agad din namang sinagot ito ng huli.
“Tinawag ka po nitong katabi, sir,” s
