“Siguro naman this time ay pwede na kitang ihatid sa tinitirhan mo rito sa Maynila? May utang ka pa sa akin at hindi ko pa nakakalimutan iyon,” maya maya ay untag ni Adrian sa kan’ya nang sa wakas ay nakalabas na sila sa arrival area. “I won’t take no for an answer.” Ang tono nito ay pinal na. Tila sigurista na ito sa pagkakataong ito na para bang ayaw na nitong masayang ang sandaling muli silang nabigyan ng pagkakataon na magkita.
Tuluyan na niyang nakalimutan na susundin pala siya ngayon ni Jeffry. Kaya bilang tugon sa sinserong hiling ni Adrian na ihatid siya sa kanyang unit ay bukal sa loob siyang tumango.
“Ofcourse! Pambawi ko na rin sa napakong pangako ko sa iyo dati,” ngiting saad niya. Kita niya ang pagliwanag ng malamlam nitong mga mata at ang paglawak ng ngiti nito
