Matapos nilang matagumpay na naisampa sa kama si Jeffry ay agad na nagpasalamat si Miles sa tumulong sa kan’ya bago ito tuluyang lumabas sa kanyang unit at iyon ay walang iba kung hindi ang guard na nakatuka sa entrance, ang matalik na kaibigan ni Jeffry. Mabuti na lamang at naging maagap itong dumalo kanina nang makita ang itsura ng kanyang kasama. Magkahalong gulat, pag-aalala at pagtataka ang agad na rumehistro sa mukha nito sa nasilayan. Ngayon ay ipinagpapasalamat na lamang niyang sa wakas ay natapos na rin ang kalbaryo niya sa pagsundo rito.
Marahas siyang napabuga ng hangin sabay galaw ng kanyang ulo. Ngayon lamang niya naramdaman ang pangangalay ng kanyang batok at balikat na lubhang napwersa sa bigat ng kanilang binuhat kanina.
Inayos muna niya sa pagkakahiga si Jeffry pagkata
