You can be with the person you love and still feel a thousand miles apart. Iyan ang napatunayan ko. Oo nga at kami pa ni Theo, pero ramdam ko ang pader sa pagitan naming dalawa. Parang unti-unti na kaming nagkakalayo. Nakikita kong sinusubukan niyang maging maayos kami ulit, pero sa tuwing mag-uusap kami, lalo lang nagiging malinaw na hindi na kami tulad ng dati. Parang may nagbago. Dahil pa ba iyon sa project niya? Sa loob lang ng ilang araw naubos na ba ang pagmamahal niya sa akin? Alam kong nasaktan siya sa mga nasabi ko, pero nasasaktan din ako. Lalo na ngayon.
Binuklat ko ang cellphone at nabasa kong may message si Theo. Sabi niya ay nasa opisina lang siya. Palagi na siyang nag-iiwan sa akin ng message kung nasaan ba siya at anong ginagawa niya. Pero ako naman itong nahihiya nang su
