HUMUGOT muna ako ng malalim na hininga bago bumaba sa company vehicle na sinasakyan ko. Kanina lang ay sinundo ako ng driver para sa site inspection daw na gagawin namin sa location ng resort and casino. Nakapagtatakang kasama pa ako pero hindi na ako nagreklamo. Nakarating na kami sa building at namataan ko agad ang ilang staff na naghahanda para sa pagbyahe namin patungo sa site location.
“Trish!” tawag sa akin ng isang babae at nalingunan ko si Jasmine na nakangiti sa akin. Sa likod niya ay si Theo na nakamasid din sa akin. Nilingon ko ang paligid at namataan ko ang ilang empleyado na makakasama din namin. Mabilis naman na lumapit sa akin si Jasmine.
“Sa sasakyan na namin na ikaw sumabay,” aya sa akin ng babae.
“Ha? Ahh, k-kahit hindi na. Nakakahiya naman sa inyo—”
“Nah! It’s okay!
