KABANATA 33
Bumalik ako sa villa ng luhaan. Yes, umiyak ako kasi nga duwag ako. Hindi ko kayang harapin ang maaaring mangyari sa gabing ito. Para akong asong nabahag ang buntot. Aminado talaga ako na duwag, matapang lang sa salita pero hindi sa gawa. Bigla nalang ay nanliit ako sa sarili ko. Kaya ko naman sanang makipagsabayan kay Gelly sa ganda at paseksihan pero natalo ako kasi wala akong dalang swimsuit. Kahit pa nga may dala naman akong ternong panty at bra na pwede kong ipanlaban sa skimpy swimsuit nito ay hindi ko ginawa. Lalabas lang akong desperada.
Kung matutukso si James kay Gelly, wala na akong magagawa pa. Nakakapagod din pala ang i-prove ang sarili mo sa ibang tao. I don’t want to compete with anyone else in James life. Gusto ko kung ako, ako lang. Sino ba naman kasing may
