Ilang beses nya pa ginawa ang pagsundo sa akin sa ospital. Kadalasan sa callroom kami nagpapangabot. Minsan sa entrance nya ako naabutan habang naghihintay ako ng taxi pauwi. Minsan lang sya nagte-text na susunduin nya ako kaya kadalasan, hindi ko alam kung darating ba sya o hindi. Nahihiya naman akong magtanong kasi baka naman busy sya kaya hinahayaan ko na lang sya sa kung ano gusto nyang gawin.
Hindi rin kasi mahilig sa text si Jaxx kahit noon pa. Masmadalas syang tumatawag o di kaya basta na lang sya susulpot. Napagtanto ko na hindi pa rin sya nagbago sa aspeto na iyon, pati sa pagiging sweet. Hindi nya tipo yung nagbibigay ng mga bulaklak at kung anu-anong engradeng mga kilos. Isa yata sa motto niya ay “actions speak louder than words” kaya kahit na busy at baon sya sa meeting at mga
