“Oh my God! Arthur! Madali ka!” Malakas na wika ni Mommy, kaya naman mula sa bintana ay kita ko na nagmamadali si daddy na makalabas ng bahay. Pagdating niya sa bungad ng pintuan ay katulad ni Mommy, nanlalaki rin ang mga mata nito habang nakatitig sa aming mag-ina.
Halatang labis na nagulat ang aking mga magulang ng makita ang kanilang mga apo.
“A-apo ko na ba ang tatlong anghel na ‘to?” Di makapaniwala na tanong ni daddy. Naluluha sa galak na lumuhod siya sa sahig habang nakalahad sa ere ang kanyang mga braso.
“Aiden, hug your Lolo-daddy.” Utos ko sa aking panganay, natuwa ako ng sugurin niya ng yakap ang kanyang lolo. Makikita ang kasiyahan sa mukha nila habang buong pananabik na binuhat ni Daddy ang panganay ko saka ito mahigpit na niyakap. Habang ang anak kong si Julien ay tumak
