"Good morning, beautiful," bati ni Wesley kay Sahara pagpasok niya sa opisina ng Daddy niya. Kagagaling lang nilang mag-ama sa conference room. Isang matamis na ngiti ang isinagot niya saka patamad na umupo sa executive chair ng ama.
"Hi! You're looking good, Wesley. Hiyang mo ang maraming trabaho."
"I have to get myself busy to be able to forget you. Tinanggihan mo ang gusto ng mga magulang natin na ipakasal tayo," biro naman nito.
"Oh, c'mon... Malayo pa sa isip ko ang pag-aasawa. Katatapos ko lang ng college, at kung hindi naman ako pinilit ni Dad na pumasok dito'y wala pa rin akong balak na magtrabaho."
"You don't have to work if you agreed to marry me. You can do all you want; travel to different places... go out with friends..."
"Pero nakatali ako sa 'yo, ganoon ba?"
