Chapter 44
Hindi namalayan ni Evan na naging mahaba na pala ang tulog niya pagkatapos makausap si Floryne. Nagising na lang siya dahil sa mabangong amoy ng isang bagay. Idinilat niya ang kaniyang mga mata at dahan-dahan siyang bumangon. Bumaba siya ng higaan at tinungo kung saan nanggagaling ang mabangong amoy.
“N-Naku, gising ka na pala, hindi pa ako tapos magluto, nagugutom ka na ba?”
Inilibot ni Evan ang kaniyang paningin sa kabuuan ng tirahan. Gawa sa kahoy ang bahay na iyon at kumpleto naman sa gamit ang loob. Mayroong mga kurtina, lamesa, mga bangko, para iyong pangkaraniwang bahay sa dati niyang mundo.
“Hindi pa naman ako nagugu—
Natigilan siya sa pagsasalita nang kumalam ang sikmura niya. Napatingin doon si Floryne at napangiti ito. Tumalikod ito sa kaniya at pagkatapos ay nag
