Chapter 47
“Ignatius, sabihin mo sa akin, sabihin mo na mahahanap natin si Evan, p-pakiusap.”
Huminga ng malalim si Ignatius at ipinikit nito ng mariin ang mga mata. Alas siyete na ng gabi. Kaninang umaga pa nila hinahanap si Evan sa buong lupain ng Doumentry Kingdom ngunit wala ni isang bakas nito ang nakita.
“P-Papa, wala pa rin bang balita kay Evan?” tanong ni Philiph.
Naroon ang lahat ng mga prinsipe at naghihintay ng balita dahil sa biglaang pagkawala ni Evan.
“Wala pa hanggang ngayon. Nagpadala na ng mga sulat sa bawat nayon ang mga kawal at nag-utos na rin ako na hanapin sa ibang mga lugar si Evan.”
Si Leopold na naroon ay hindi na napigilan ang mapaiyak. Naisip nito ang malamig na pakikitungko kay Evan noon. Nagsisi ito dahil sa ginawa.
“S-Sana ay makita na si Evan, papa,
