Chapter 15
Hindi niya iyon ikakaila.
“Oo, pero guro, pinigilan ko ang aking mga kamay na magpakawala ng mahika. Alam ko kasi na hindi tama kung gagantihan ko si Osvar. Mas lalong lalaki ang galit niya sa akin at mas lalong masisira ang pagiging magkapatid namin.”
Tumango-tango ang kanilang guro sa sinabi niya. Nakahalukipkip ang mga kamay nito habang seryoso na nakatingin sa kaniya.
“Kaya mo na pigilan ang iyong kamay upang hindi patulan si Osvar, pero hindi ang emosyon na bibitawan ng mga mata mo. Evan, bukod kay Ignatius, ikaw lang ang may ganitong kakayahan. Hindi ito kayang gawin ng mga kapatid mo o na kahit si Philiph pa. Hindi kaya ni Philiph na magpakawa ng ice magic gamit ang pagtingin lamang sa isang bagay o sa isang nilalang,” sabi nito.
“Pero... napatay rin ang apoy sa kand
