Chapter 14
Nagsimula silang tumakbo paakyat ng bundok pagkatapos silang painumin ni Peij ng bitamina upang hindi sila mahilo. Madilim-dilim pa dahil alas kwatro pala noon ng madaling araw. Tahimik lamang siyang tumatakbo. Nauuna sa pagtakbo ang kanilang guro na si Alastor at si Peij, nasa gilid niya si Philiph, samantalang si Kasimiro at si Leopold ang nahuhuli.
“Napansin ko na malapit sa iyo ang ating guro.”
Napatingin siya kay Philiph nang magsalita ito. Sandali lamang iyon at muli na niyang itinuon ang mga mata sa daanan.
“Hindi ganoon kalapit. Nagkataon lang na mayroong mga bagay na kailangan na sabihin niya sa akin. Kinakausap ka rin ng ating guro, hindi ba?” tanong niya.
“Oo, nabanggit niya ang kapangyarihan ko noong nakaraan. Pero hindi ko nagustuhan ang pag-uusap namin dahil
