Chapter 17
“Tumayo ka, Evan,” sabi naman ni Alastor.
Sinunod niya kaagad ang sinabi nito. Tumayo rin si Alastor at pagkatapos ay dumistansya ito sa kaniya. Mukhang nakuha na niya kung ano ang sinabi ng kanilang guro sa kaniyang ama. Mukhang iyon ang tungkol sa kaniyang mahika.
“Evan, naalala mo ang pinag-usapan natin kahapon? Sasabihin ko sa iyong ama ang tungkol sa mahika mo upang magkaroon ka ng nakahiwalay na pagsusulit sa akin.”
Tumango siya.
Hindi niya alam kung bakit siya kinakabahan.
“Hindi ito ang unang beses na makikita ko ito, Evan, nasaksihan ko ang ginawa mo kay Osvar ngunit nais kong muli na makita,” sabi ng kaniyang ama.
Napalunok siya. Si Trios naman ay naguguluhan ngunit tahimik lamang.
“Evan.”
Itinaas ng kaniyang guro ang kaliwang kamay nito.
“Guro... paano kung
