CHAPTER 27
Nash's POV
Hindi ko na magawang makagalaw dahil sa masama at diretsong tingin niya sa akin. Alam ko naman na wala na rin namang saysay iyon kahit subukan ko pa, dahil wala rin akong takas. Maliban na lang kung may taong tutulong sa akin mula sa labas.
"Ang tagal kong hinintay ang pagkakataong ito na makaganti ako sa 'yo," aniya.
Kahit nakangisi siya at kahit nakakaloko ang tingin niya, alam kong may galit talaga siya sa akin dahil sa tono ng boses niya. Tila ipinaramdam niya sa kanyang sinabi kung ano ang mga pinagdaanan niya umabot lang siya sa puntong ito.
Napalunok ako. "Paanong buhay ka pa?" hindi ko maiwasang hindi itanong iyon.
Sa kabila ng panganib sa buhay ko, hindi ko maiwasang hindi mainis kapag naiisip kong buhay pa siya gayong kitang-kita ko na nakahandusay niy
