CHAPTER 49:
Sa lupa kung saan dating nakatira sina Kesh, Desh, Rash, at Hash ay may kasabihan silang pinaniniwalaan doon… “Sa haba-haba man ng prosisyon, sa simbahan din ang tuloy.” Hindi nila alam kung ano talaga ang bagay na tinutukoy ng kasabihang iyon at kung dapat ba nilang ihalintulad iyon sa nararanasan nila ngayon.
Pumasok sila sa Domus na walang ideya noong una kung bakit sila narito, paano sila napunta rito, at kung ano ba talaga ang hiwagang dala ng lugar na ito sa kanila. Pero hindi na mahalaga sa kanila kung ano ba ang sagot sa mga tanong na iyon… masaya na sila na sa wakas… pagkatapos ng madaming pagsubok ay makakamit na nila ngayon ang tagumpay.
Magaan ang kanilang loob habang naglalakad sila paakyat sa hagdan ng level 5. Hindi nila pare-parehong alam kung ano ang naghihi
