CHAPTER 48
Nash POV
Si Hash ang huling taong gusto kong magsabi ng bagay na iyon. Kahit pa siguro sabihin na nagka-ayos na sina Rash at Kesh, at magka-ayos na rin sila ni Desh, hindi pa rin ako magiging komportable na makipag-usap sa kanya ng ganitong kaswal na para bang wala lang lahat ng ginawa niya sa akin. Hindi ko yata gugustuhin na mapunta sa isang kwarto o lugar na siya lang ang kasama ko.
Alam ko na ginagawa niya lang na makipaghalubilo sa akin o sa amin dahil may kailangan siya kay Desh, at kailangan niya ako para makuha ang bagay na gusto niya. Pero sa totoo lang, halata ko naman sa ngisi niya sa akin na nagtitiis lang talaga siya. Kung may pagpipilian lang ako para hindi siya makasama, baka kanina ko pa ginawa.
Ibinaling ko na lang ang tingin ko kina Rash at Kesh. Nakita ko
