CHAPTER 33
Nash's POV
Hindi ko naman na kailangang hulaan kung ano ang gusto niyang pag-usapan, halata naman kung ano ang bagay na 'yon. Pero ang kinakatakot ko lang ay kung ano ang maari niyang hilingin o sabihin tungkol sa kanila ni Desh. Matindi ang takot sa kanya ng batang 'yon at halos ayaw na niyang makaharap ito.
Sa pag-aya niya palang ay gusto ko nang umatras at halos ayoko nang makasama pa siya. Dahil nararamdaman ko na ngayon palang na hindi talaga maganda ang kahahantungan nito.
Pero dahil binigyan kami ng pagkakataon nina Bash at Rash para makapag-usap na kami lang dalawa, wala na akong nagawa kundi sumunod na lang sa agos. Medyo nagtaka pa nga ako dahil mahinahon itong nakausap sa mga ito na para bang ginagaya niya ang kasamahan niya sa paraan nito kung paano ako kausapin
