CHAPTER 45
Nash's POV
Hindi na umimik si Rash pagkatapos ng huling sinabi ni Kesh. Hindi ko alam kung suko na ba agad siya kaya hindi na siya sumagot o nag-iisip lang siya ng sasabihin niya sa kapatid niya. Ano man ang dahilan niya, pagkaaktaon ko na ito para sumama sa pinag-uusapan nila.
Tumingin ako sa katabi kong si Kesh. "Bakit ba matindi ang galit mo kay Rash? Huwag mo sanang masamain ang tanong ko, gusto ko lang talaga malaman dahil nakikita ko kayong nag-aaway," mahinahon ang pananalita ko sa kanya. Ayokong pati sa akin ay magalit siya at lalo pang lumala ang topak niya sa ulo.
Nakita ko ang pagyuko niya, para bang iniisip niyang maigi kung saan ba nagmula ang galit niya rito. Akala ko sa pagyuko niyang iyon ay sasagutin niya talaga ako, pero napabuntong hininga na lang ako nang
