CHAPTER 44
Nash's POV
Hindi talaga malinaw sa akin kung ano ang nangyayari, hindi ko maintindihan kung bakit bigla na lang ay nag-aaway na sina Kesh at Rash.
Isang pagsabog na naman ang biglang nagpayanig sa buong paligid. Agad kong prinotektahan si Desh dahil sa takot na baka tamaan siya ng mga lumilipad na malilit na tipak ng bato.
Hanggang sa nilapitan na kami ni Kesh. "O, nandito pala kayo. Kumusta?" bati niya pa.
Agad ko siyang sinamaan ng tingin. "Ano bang ginagawa mo?!" sigaw ko.
"Hindi mo ba nakikita?" aniya. Itinaas pa niya ang kamay niya bilang pagturo sa mga nangyayari sa paligid.
Umayos ako ng tayo at binitiwan ko si Desh. Napabuntong hininga ako bago sumagot. "Alam ko. Ang ibig kong sabihin, bakit ka biglang inatake ni Rash? Anong nangyari sa inyong dalawa?" tanong ko n
