CHAPTER 11
Nash's POV
Hindi ko alam kung ikatutuwa ko bang malaman na level 1 na ako ngayon dahil sa ginawa ni Kesh. Maaring nakuha ko nga ang gusto ko at walang tututol sa nangyari, pero hindi ko lang matanggap na hindi ko ito nakuha sa sarili kong paraan.
Nasa tapat na kami ng hagdan paakyat sa level 1, pero bago ako makaapak sa unang baitang na ito ay lumingon muna ako sa kanilang dalawa. "Anong plano n'yo ngayong maisasama n'yo na 'ko rito?" diretso kong tanong.
Naiintindihan ko ang sistema ng lugar na ito. Panggagamit, pagtulong, at panloloko ang tatlong bagay na maari mong gawin para mabuhay ka at makuha mo ang ambisyon mong makalabas dito. Hindi ito isang lugar na masasabi mong perpekto, dahil hangga't hindi mo nagagawa ang parte mo bilang manikang binigyang buhay, hindi ka magi
