AGENT NATHAN
Nagulantang talaga ako ng makita ko ang ayos nila Alex at Terrence. Alam ko na may ginawa na namang kabulastugan ang taong 'yun dahil sa nakahandang kamao ni Alex! Isa pa, ano ba ang ginagawa niya sa silid ni Alex?! Ngunit... nasaktan ako sa nakita ko. Kahit na alam kong wala namang ibig sabihin iyon subalit hindi ko mapigilang masaktan at hindi maiwasang mainggit kay Terrence dahil lagi niyang nakakasama si Alex, nakakausap, nahahawakan...
Galit na lumabas ng kwarto si Gov, ilang sandali pa ay nakasunod na rin si Terrence. Mukhang masesermunan na naman ito ng matanda.
Lumabas din si Alex at pareho kaming napasunod ng tingin sa mag-ama na bumaba na ng hagdan. Kapagkuway umalis na rin ang 2 maids. Nang wala na ang mga ito ay binalingan ko si Alex na noon ay papasok na sana
