Nakahinga na nang maluwag si Lettie. Wala na si Joaquin. Mabuti na lang at may tumawag dito. Mukhang emergency kaya nagmadaling umalis. Ano kaya ang nangyari? Narinig niya kasi ang pangalan ni Lanie. Nag-alala na rin tuloy siya. Tinext niya ang kaibigan pero wala naman itong reply sa kaniya.
"Sige, porket may Joaquin ka, hindi mo na ako gaanong pinapansin," maktol niya sa sarili.
Nakatulog si Azec sa pagod. Hindi ba naman nito tinantanan si Joaquin. Kiniliti tuloy ito ng lalaki hanggang sa mapagod.
Inaamin niyang natutuwa siyang pinapanood ang mag-ama kanina. Ang saya tingnan ng mga ito, pero hanggang doon na lang talaga sila. Hanggang mag-ninong na lang talaga ang relasyon ng dalawa. Siguro ay naramdaman ni Joaquin ang lukso ng dugo kaya hindi nito maiwan-iwan si Azec kanina. Pero s
