Parang kailan lang nang malaman ng pamilya ni Lettie ang totoo. Ngayon ay nakalipat na sila sa mansion ng mga Slora.
Masayang-masaya ang kaniyang pamilya sa muling pagbabalik niya. Pinagpaplanuhan na nga ng mga ito ang engrandeng party para ipakilala siya sa buong bansa bilang ang long lost princess ng mga Slora. Pero tumanggi siya dahil hindi pa siya handa. Nakiusap siyang hayaan muna siyang mamuhay sa paraan na gusto niya. Isa pa, gusto muna niyang kausapin nang maayos ang pamilyang kinalakihan niya. Magpapaliwanag siya para hindi magtampo ang inang niya.
Hindi naging madali. Akala niya, matapos siyang magpaliwanag ay maiintindihan siya ng pamilyang Domingo.
"Iiwan mo na si tiyang Doris? Mag-isa na lang siya, Lettie!" singhal ng kaniyang pinsan na si Paulo.
"Hindi ko naman siya ii
