Nagtataka si Joaquin dahil hindi na niya nakita ang isa sa mga kaibigan nina Lanie. 'Yong nerd. Nasaan nga kaya ito? At bakit wala ito sa lamay ng kapatid ni Lanie? Magkakaibigan silang apat pero ito lang ang hindi nagpakita.
Kinabukasan, pagkatapos ng huling lamay ay nagtungo siya sa Cavite. Nagdalawang-isip pa siyang lumabas ng kaniyang kotse. Inisip niya kung nasa bahay ba nito iyong Lettie na kaibigan nina Lanie at Dimples.
At bakit niya ba ito hinahanap?
Ah, dahil kay Azec. Tama, na-miss niya lang si Azec kaya gusto niya itong makita.
Nasa harap na siya ng pinto ng bahay nito at akma nang kakatok nang may nagsalitang kapitbahay.
"Ay, wala nang tao riyan!"
Kunot-noo niyang nilingon ang ginang na may karga-kargang sanggol.
"Ah, nasaan sila?"
"Lumipat na ng bahay. May sum
