"Good bye, Lettie." Malungkot niyang isinara ang box kung saan niya itinago ang kaniyang mahiwagang wig, glasses at contact lens. Pati ang cream na ipinampahid niya sa mukha at leeg niya para takpan ang maputi niyang balat.
Tuluyan na nga siyang namamaalam sa pagiging Letticia Domingo. Masakit din talikuran ang nakasanayan niyang mukha. Ngayon pa lang ay nami-miss na niya ito pero alam niyang masasanay rin siya.
"Ready?" tanong sa kaniya ng babae. Ito ang nag-ayos sa kaniya.
Ngumiti siya rito at dahan-dahan na tumayo. Inalalayan naman siya nito.
"Hinihintay ka na nila, Beautiful bride," nakangiting sabi ng babae.
Lumabas na siya ng bahay. Nakasunod sa kaniya ang dalawang tao at sa harap naman niya ang dalawa pang tao na may hawak na camera. Ang isa ay nagbi-video ang isa naman ay
