Naiinis na binuksan ko ang pinto ng aking apartment at nang masara ko iyon ay dali-dali kong nilakad ang pagitan ko at ng banyo.
Nang makapasok ako sa banyo ay hindi na ako nag-aksaya pa ng oras at mabilis kong ini-on ang shower upang hayaan ang tubig na dumaloy sa aking pagal na katawan.
Para akong nanlalanta, hindi lamang dahil sa pagod at panghihina kundi dahil na rin sa kaalaman na tila isa akong talunan ngayon.
Para akong mahinang nilalang na nakatingin lamang sa kawalan. Hindi ko alam kung ano ba ang dapat kong maramdaman. Tila ba blangko ang isip ko at blangko rin ang aking dibdib.
Patuloy ko lamang ninamnam ang lamig ng tubig at napakapit pa ako sa pader ng banyo nang maramdaman ko ang mumunting hapdi at kirot na nagmumula sa iba't ibang parte ng katawan ko.
Gusto ko tuloy s
