Troy POV
Napatigil ako sa sinabi niya.
“Sinamantala ko ang kahinaan mo.”
Dapat siguro maiinis ako.
Dapat siguro magalit ako.
Pero imbes na magalit…
napatawa lang ako nang mahina.
“Grabe ka naman,” sabi ko habang nakangiti. “Ang honest mo.”
Nagkibit-balikat siya.
“Ganun talaga ako,” sagot niya. “Ayokong magsinungaling.”
Tahimik akong tumingin sa kanya sandali.
Ang dami ko nang nakilalang babae sa buhay ko.
Mga babaeng gustong mapalapit sa akin dahil sa pangalan ko, sa pera ng pamilya ko, o sa status ko sa school.
Pero si Cathy…
Siya lang yata ang babaeng diretsahang magsasabing sinamantala niya ako.
At parang wala lang sa kanya.
Napailing ako habang umiinom ng kape.
“Alam mo ba,” sabi ko, “ikaw ang pinaka-weird na babae na nakilala ko.”
Napatawa siya.
“Salamat,” sagot niy
