Sa loob ng apat na sulok ng studio type na bahay, matatagpuan si Riley na nasa kusina at binabantayan ang nilulutong pancit canton. Hinihintay na lamang niya itong maluto kaya naman nakasandal ang pwetan niya sa kalapit na mesa habang nagbabasa ng mga text messages sa kanyang hawak na cellphone.
Pamaya-maya, kasabay ng pagkaluto ng kanyang pancit canton ay ang pagtunog ng doorbell. Kumunot ang noo ni Riley at napatingin sa kinaroroonan ng pinto. Nagtataka dahil wala naman siyang inaasahang bisita na pupunta ngayon sa bahay niya.
Nilapitan na muna ni Riley ang kakaluto lamang na pancit canton. Pinatay ang kalan at nagmamadaling sinala ito para maalis ang tubig at nilagay sa plato. Iniwan niya sandali at tinungo ang pintuan kung saan sunod-sunod ang pagpapatunog ng doorbell ng kung sino ma
