Nakatayo sa gitna si Maxwell habang nililibot niya nang tingin ang loob ng bahay ni David.
“May nakasunod ba sayo dito Riley?” pagtatanong ni Maxwell kay Riley.
Tinalikuran ni Riley ang bintana kung saan nakatayo siya sa tapat at tumitingin sa labas at nalipat kay Maxwell ang kanyang mga mata.
“Sa tingin ko naman wala. Kung saan-saan pa kasi ako pumunta bago makarating dito para maligaw ko din sila.”
“May sumusunod sa inyo?” tanong naman ni David na nakatayo malapit sa mesa.
Napatingin si Maxwell kay David. Huminga siya ng malalim saka tumango-tango bilang sagot sa tanong ni David.
“Alam na ni Bertrant na umalis ka sa puder ko kaya ngayon ay pinaghahahanap ka niya. Pati kami ay pinapasundan niya sa kanyang mga tauhan,” saad ni Maxwell.
“Ganun ba? Paano niya nalaman?” salubong ang k
