Hindi mapakali si Maxwell. Pabalik-balik siya sa paglalakad habang tinatawagan niya si David. Mas lalo pa siyang nag-aalala dahil ring lamang ng ring ang cellphone nito at hindi sinasagot.
Nilapitan naman ni Riley si Maxwell. Napahinto sa paglalakad si Maxwell nang makita niya ang hawak na cellphone ni Riley na kasalukuyang nagri-ring. Sa puntong iyon ay mas lalong nakaramdam ng kawalang pag-asa si Maxwell dahil ang hawak na cellphone ni Riley ay ang gamit ni David. sa madaling salita, iniwan nito ang cellphone sa bahay.
Nanghihinang itinigil ni Maxwell ang pagtawag at inalis ang cellphone mula sa tapat ng tenga niya. Napaupo ito sa mahabang sofa na malapit lang sa kanya.
“Nakita ko itong cellphone na nakapatong sa tokador.”
Madiin na napapikit ng mga mata si Maxwell sa sinabi ni Riley
