SKY
“Follow the plan at walang mangyayaring masama sa inyo,” sigaw na pabulong ni Tita Leona. Siya ang nangunguna sa pagsalakay namin sa grupo ng mga nilalang dito na umatake sa amin noong nakaraang araw. Kasama rin naman namin ang Mistress pero hindi talaga siya pala salita.
Ilang beses din kaming inatake nitong sasalakayin namin ngayon. Ilang beses din maraming nasugatan, palagi kasi nilang tinataon na wala ang Mistress. Wala rin akong magawa kasi ang dami nila at iba’t ibang nilalang na hindi ko pa alam at wala akong kaalaman kung paano talunin.
Noong gabing natalo namin sila, mahihina lang ang kalaban. Mukhang nagplano sila upang matalo talaga kami.
Mag-iisang buwan na pala ako rito at ilang buwan sa mundo ng mga tao. Naging maayos naman ang training ko sa kanila dahil palagi si
