CHAPTER 11
Heaven’s POV
Pauwi na ako mula sa ospital matapos ang isang mahabang araw ng trabaho. Sa jeep na sinasakyan ko, pilit kong binibigyan ng oras ang sarili upang magpahinga kahit papaano. Ngunit ang tahimik na biyahe ko ay naputol nang makarinig ako ng malakas na sigawan mula sa gilid ng kalsada.
Agad kong iniangat ang tingin at nakita ang isang matandang lalaki na nakahandusay sa bangketa. Duguan ang tagiliran nito, at sa gilid niya’y nakalatag ang kabilyang tila nahulog mula sa itaas ng isang gusali. May mga tao na ring nakapalibot sa kanya, ngunit walang sinuman ang gumagalaw para tumulong.
“Para po!” sigaw ko sa driver ng jeep habang mabilis na kumakabog ang dibdib ko. Wala akong pakialam kung nagulat ang ibang pasahero, agad akong tumayo at bumaba ng jeep.
Habang tumatakb
