Millicent's POV
Sa mga sumunod na araw ay tuluyang nagbago ang takbo ng pamumuhay ko dito sa SeeRange. Madalas ako na mismo ang umiilag sa mga kasama ko. May mga pagkakataon na kailangan talaga naming magsama-sama kaya naman kapag ganoon ay ako na ang lalayo at mauupo sa isang sulok. Kapag oras naman para kumain ay hindi na talaga ako sumasabay sa kanila. Kumakain lang ako kapag tapos na silang kumain. Ayoko kasing kumakain ako ng hindi naman ako komportable. Lagi kasi akong pinupukulan ng masasamang tingin nina Lelzie, Qatara, Ofeill, Uztaki at Thimo, bukod sa masasamang tingin ay panay rin ang pagpaparinig nila sa akin ng masasakit na salita.
Kaya laking pasasalamat ko kay Manang Esmeralda dahil siya mismo ang nagtitira ng pagkain para sa akin. Kapag may mga desserts at kung anu-anong
